CENTRO CHEGA! HALO DISEMINASAUN INFORMASAUN KONA-BA PAPEL CENTRO CHEGA!, REKOMENDASAUN CAVR NO CVA IHA LIQUIÇA.

Dili, loron 02 Abríl 2019, Centro Nacional Chega! hala’o tan kolokiu hodi divulga informasaun kona-ba papel Centro Nacional Chega! ho nia knar no mandatu sira, inklui Rekomendasaun Chega! no Da Memória À Esperança iha Munisipiu Liquiça.
 
Kolokiu ne’ebé realiza iha Salaun Enkontru Administrasaun Munisipiu Liquiça ne’e, atu estabelese parseria ho Autoridade iha Munisipiu sira, Administradór Postu no Xefe Suku sira, Governu Lokál (reprezentante ministériu relevante sira iha nivel munisipiu), Asosiasaun Vítima no Veteranu sira, Diretór Eskola, Relijiozu/a, Sosiedade Sivíl sira no seluk-seluk tan. Nune’e mós aliña presepsaun hamutuk kona-ba planu estratéjia Centro nian no parseiru sira nia kontribuisaun, atu implementa rekomendasaun sira Chega! no Per Memoriam Ad Spem nian tuir kompeténsia ne’ebé haraik mai Centro Chega! Atividade ne'e mos realiza iha ambitu Komemora tinan 20 akontesimentu Masakre Igreja Liquica iha loron 06 Abril 1999.