News

CENTRO NACIONAL CHEGA! I.P APREZENTA PROGRESU SERVISU BA SUA EXELÉNSIA PRIMEIRU MINISTRU.

Dili, loron 04 Abríl 2019 - Ekipa Centro Nacional Chega! I.P (Centro Chega!) ne’ebé lidera husi Prezidente Konsellu Administrasaun Sra. Ines Almeida no Diretór Ezekutivu Sr. Hugo Maria Fernandes hala’o enkontru ho Sua Exelénsia Primeiru Ministru, Sr. Taur Matan Ruak iha Palasiu Governu. Objetivu husi enkontru ne’e mak informa ba Primeiru Ministru Kona ba Progresu servisu Centro Chega! nian.
 

CENTRO CHEGA! KONTINUA INTRODÚZ PROGRAMA "KOMUNIDADE IDA ISTÓRIA IDA" BA AUTORIDADE LOKÁL IHA SUKU COMORO - DILI.

Dili - Centro Nacional Chega! I.P Da Memória À Esperança liu husi Unidade Dokumentasaun no Peskiza Istóriku realiza workshop ida ho tema“Komunidade Ida, Istória Ida”, ba autoridade lokál, veteranu, organizasaun klandestina no joventude sira iha Suku Comoro, Postu Administrativu Dom Aleixo, Munisipiu Dili iha loron 22 Marsu 2019.
 
Workshop ne'e ho objetivu atu fahe informasaun kona-ba knar no mandatu Centro Chega! nian, espesiál ba iha prezervasaun memória pasadu liu husi peskiza no hakerek istória komunidade "Komunidade Ida, Istória ida”, atu valoriza ema hotu nia kontribuisaun ba luta libertasaun Timor-Leste.
 

CENTRO NACIONAL CHEGA! NO ASOSIASAUN VÍTIMA ASINA NOTA ENTENDIMENTU ATU APOIA SOBREVIVENTE SIRA.

Dili, loron 21 Marsu 2019, Centro Nacional Chega!I.P Da Memória À Esperança no Asosiasaun Vítima asina ona Nota Entendimentu ne’ebé ho objetivu atu fó apoiu ba fotalesementu institusionál no atu utiliza rekursu husi parte rua nune’e bele implementa atividade sira ne’ebé haktuir nesesidade sobrevivente vuneravél sira.
 
Asinatura Nota Entendimentu ne’e reprezenta husi Diretór Ezekutivu Centro Chega! Sr. Hugo Maria Fernandes no Prezidente Asosiasaun Vítima Sra. Eugenia Neves da Costa, ne’ebé hala’o iha Salaun Enkontru Diretór Ezekutivu Centro Chega! iha Antigo Comarca Balide – Dili.
 

Pages