News

MINISTRU FIDELIS MAGALHÃES HUSU CENTRO CHEGA! ATU KONTINUA TAU MATAN BA ANTIGO COMARCA BALIDE.

Dili, loron 15 Marsu 2019, Ministro da Reforma Legislativa e Assuntos Parlamentares Exelénsia Fidelis Manuel Leite Magalhães halo vizita ba Centor Nacional Chega! Antigo Comarca Balide – Dili. Vizita ida ne’e simu diretamente husi Diretór Ezekutivu Centro Chega! Sr. Hugo Maria Fernandeshodi akompaña no halo esplikasaun kona-ba espozisaun sira tuir sekuénsia espozisaun Chega!
 
Iha biban ne’e, Ministru Fidelis la’o tuir sekuénsia espozisaun ne’ebé hahú husi: parte espozisaun prosesu luta to’o hetan independénsia; estabelesimentu CAVR no nia mandatu servisu sira; envolvimentu Komunidade Internasionál; no violasaun direitus umanus durante okupasaun Indonézia.
 

KOMEMORASAUN LORON KONSULTA POPULÁR BA DALA - 20: “SEI HALO BALANSU NARATIVU ISTÓRIA FETO NIAN BA LUTA LIBERTASAUN”.

Balansu Narativu Istória Partisipasaun Feto nian iha Luta Libertasaun Timor-Leste sei sai asuntu importante iha komemorasaun tinan 20 loron Konsulta Populár.
 
Diretór Ezekutivu Centro Nacional Chega! Sr. Hugo Maria Fernandes hateten liafuan ne’e iha Komemorasaun Loron Mundiál Feto, ne’ebé organiza husi Embaixada Australia mai Timor-Leste ne’ebé hetan apoiu husi Centro Chega! iha Salaun Konferénsia Centro Chega! Antigo Comarca Balide – Dili loron 08 Marus 2019.
 

KOMEMORASAUN LORON MUNDIÁL FETO NIAN “FORTE LIU BAINHIRA HAMUTUK”

Dili, loron 8 Marsu 2019, Embaixada Australia iha Timor-Leste organiza Komemorasaun Loron Mundiál Feto sira nian. Komemorasaun ne’e hetan apoiu no koopera husi Centro Nacional Chega! liu husi Painél Diskusaun ne’ebé hala’o iha Salaun Konferénsia Centro Chega! Antigo Comarca Balide Dili.
Komemorasaun loron Mundiál Feto sira nian ne’e hodi refleta kona-ba konseítu igualidade jéneru, ne’ebé aplika iha Timor-Leste, ho tema “More Powerful Together ou Forte Liu Bainhira Hamutuk”.
Diretór Ezekutivu Centro Nacional Chega! Sr. Hugo Maria Fernandes sai mós painél diskusaun iha eventu ne’e, hodi ko’alia kona-ba violasaun direitu umanus ne’ebé mak feto sira enfrenta iha tempu okupasaun Indonézia nian.  

Pages