News

KOICA IHA ESPIRITU KOOPERASAUN BOOT NO SEI KONTINUA APOIA TIMOR-LESTE

Dili, loron 07 Marsu 2019, Centro Nacional Chega! hetan vizita espesiál husi Prezidente Korea International Cooperation Agency (KOICA) ka Ajénsia Internasionál Kooperasaun Korea Sra. Mikyung Lee ho nia delegasaun iha Edifisiu Centro Chega! Antigo Comarca Balide – Dili. Vizita ne’e ho esperansa ba espiritu kooperasaun ne’ebé boot liu no kontinua apoia atu rezolve problema Timor-Leste nian.
Delegasaun husi KOICA ne’e simu diretamente husi Prezidente Konsellu Administrasaun Centro Chega! Sra. Inês Almeida, Diretór Interinu Sr. Gaudencio Soares Souza ho funsionáriu tomak.

CENTRO CHEGA! NO UNPAZ ORGANIZA TOUR BA SITIU ISTÓRIKU BA ESTUDANTE SIRA.

Dili, loron 15 Fevreiru 2019, Centro Chega! no Universidade da Paz (UNPAZ) organiza atividade Chega! Tour ba fatin istóriku sira hanesan Abrigu Komandante Kay Rala Xanana Gusmão iha Cacaulidu, Fatin Detensaun iha Eis Polda Comoro (Agora Akademia polísia) no Fatin Masakre 17 Abril 1999 iha Sr. Manuel Carrascalao nia rezidensia. Atividade ida ne’e partisipa hosi estudante sira husi Universidade da Paz Fakuldade Ciénsia Sociais e Humaniora.

CENTRO CHEGA! HUSU APOIA KOICA ATU PROMOVE CENTRO CHEGA! IHA KOREA SÚL.

Dili, loron 18 Fevereiru 2019, Country Director Korea International Cooperation Agency ka Ajénsia Kooperasaun Internasionál Korea (KOICA) Sr. Sikhyon KIM ho nia ekipa halo vizita mai Centro Chega! iha Antigo Comarca Balide – Dili no simu diretamente husi Diretór Ezekutivu Centro Chega! Sr. Hugo Maria Fernandes ho funsionáriu balun.
Objetivu husi vizita ne’e mak atu informa kona-ba vizita husi Prezidente KOICA mai Timor-Leste iha fulan Marsu, ne’ebé sei halo mós vizita kortejia ida mai Centro Chega!. Alende ne’e, Sr. Kim mós hakarak hatene klean liu tan kona-ba Centro Chega! ho nia knar no mandatu sira no estabelese kooperasaun.

Pages